Bolqarıstan prezidentinin rəsmi qarşılanma mərasimi olub

Bolqarıstan prezidenti Rumen Radevi və xanımı Desislava Radevanı Azərbaycan prezidenti İlham Əliyev və xanımı Mehriban Əliyeva qarşılayıblar

Bakı, Nazilə Xaqani, İnteraz - 13 Oktyabr 2017, 10:42

Azərbaycana səfərə gələn Bolqarıstan prezidenti Rumen Radevin oktyabrın 13-də rəsmi qarşılanma mərasimi olub.

İnterAz-ın məlumatına görə, iki ölkənin dövlət bayraqlarının dalğalandığı meydanda Bolqarıstan Prezidentinin şərəfinə fəxri qarovul dəstəsi düzülüb.

Bolqarıstan prezidenti Rumen Radevi və xanımı Desislava Radevanı Azərbaycan prezidenti İlham Əliyev və xanımı Mehriban Əliyeva qarşılayıblar.

Fəxri qarovul dəstəsinin rəisi Bolqarıstan prezidentinə raport verib.

Bolqarıstanın və Azərbaycanın dövlət himnləri səsləndi.

Fəxri qarovul dəstəsi hərbi marşın sədaları altında dövlət başçılarının qarşısından keçib.

Azərbaycanın və Bolqarıstanın dövlət və hökumət nümayəndələri prezidentlər və birinci xanımlar ilə görüşüblər.

Prezidentlər və birinci xanımlar rəsmi foto çəkdiriblər.