III Bakı Beynəlxalq Humanitar Forumu çərçivəsində "Texnologiyaların konvergensiyası və gələcəyin konturları"dan danışılıb

Dəyirmi masanın yekununda bəyannamə qəbul olunub

Bakı, Vüsal Nəbiyev, İnteraz - 01 Noyabr 2013, 16:40

III Bakı Beynəlxalq Humanitar Forumu çərçivəsində Azərbaycan Milli Elmlər Akademiyasının (AMEA) təşkilatçılığı ilə “Texnologiyaların konvergensiyası və gələcəyin konturları: XXI əsrin əsas çağırışları” mövzusunda dəyirmi masa keçirilib. Dəyirmi masanın açılışında Azərbaycan Prezident Administrasiyasının rəhbəri Ramiz Mehdiyev də iştirak edib. Tədbirdə kvant hesablamaları və bu sahədə elmi tədqiqat və texnologiyalar, materiyanın tədqiqində nailiyyətlər, yaşıl enerji, mövzularında dünyanın müxtəlif ölkələrinin alimlərinin, Nobel mükafatı laureatlarının məruzələri dinlənilib. 

Jurnalistlərə açıqlamasında AMEA-nın prezidenti Akif Əlizadə bildirib ki, bu gün kompüter texnologiyalarının təkmilləşdirilməsi zərurəti meydana çıxıb. Bu da kvant fizikasının elmi inkişafından asılıdır.

Dəyirmi masanın yekununda bəyannamə qəbul olunub.