İslamiadada iştirak edən İranlı idmançılar Bakıda İran prezidenti seçkilərində səs verirlər

Seçkilərin nəticəsindən asılı olmayaraq, bu, Azərbaycan-İran münasibətlərinə müsbət təsir edəcək

  • 9

Bakı, Şəbnəm İlhamlı, İnteraz - 19 May 2017, 13:54

Azərbaycanda yaşayan və hazırda ölkəmizdə olan İran vətəndaşları İran prezidenti seçkilərində fəal səs verirlər.

İnterAz "PressTv"ə istinadən xəbər verir ki, İran vətəndaşları ilə yanaşı, hazırda Bakıda keçirilən IV İslam Həmrəyliyi Oyunlarında iştirak edən 300 nəfərə yaxın iranlı idmançı da səsvermədə iştirak edir.

İran İslam Respublikasının Bakıdakı səfiri Cavad Cahangirzadə "Trend"ə bildirib ki, seçkilərin nəticəsindən asılı olmayaraq, bu, Azərbaycan-İran münasibətlərinə müsbət təsir edəcək.

İran prezidentliyinə hazırkı dövlət başçısı Həsən Ruhani, Mustafa Ağa Mirsalim, İbrahim Rəisi və Mustafa Haşimi Taba namizədliyini irəli sürüb.