Dövlət qulluğu üzrə namizədlərin “İmtahana buraxılış vərəqəsi”nin çapına başlanılıb

Buraxılış vərəqəsini çap etmək üçün http://eservices.dim.gov.az/brxvdq/ linkinə daxil olmaq lazımdır

Bakı, Nazilə Xaqani, İnteraz - 13 Fevral 2018, 18:03

İnzibati dövlət qulluğu vəzifələrinin B növünə (inzibati icraçı vəzifələr) aid olan BA və BB qruplarına uyğun olan vəzifələr üzrə fevralın 18-də keçiriləcək test imtahanında iştirak edən namizədlərin “İmtahana buraxılış vərəqəsi”nin çapına başlanlılıb.

 

Dövlət İmtahan Mərkəzindən İnterAz-a verilən məlumata görə, buraxılış vərəqəsini çap etmək üçün http://eservices.dim.gov.az/brxvdq/ linkinə daxil olmaq lazımdır.

 

Qeyd edək ki, namizəd imtahana gələrkən şəxsiyyətini təsdiq edən sənədin əslini və “İmtahana buraxılış vərəqəsi”ni mütləq gətirməlidir. Göstərilən sənədlərdən hər hansı biri olmazsa və ya sənədlər arasında uyğunsuzluq olarsa, namizəd imtahana buraxılmayacaq.