“Lotu Quli”ni söyən Rahim Şəkinski və arvadı güllələndi

Hadisə ilə bağlı yerli prokurorluq mətbuat konfransı keçirəcək

  • 3781

Bakı, , İnteraz - 30 Mart 2018, 16:22

Fransada Tuluza şəhəri yaxınlığında azərbaycanlı ər-arvad güllələnib.

İnterAz “Qafqazinfo”-a istinadən xəbər verir ki, şahidlər qurbanların olduğu avtomobilə azı 8 dəfə atəş açıldığını bildiriblər. Polis 39 yaşlı Rahim Namazovun kürəyindən yaralandığını, başından güllələnən həyat yoldaşı Aidanın isə xəstəxanada öldüyünü açıqlayıb.

Hadisə ilə bağlı yerli prokurorluq mətbuat konfransı keçirəcək. Qeyd edək ki, Rahim Namazov 2010-cu ildən bəri Tuluzada yaşayır. Kriminal aləmə yaxınlığı ilə bilinən Namazov “Rahim Şəkinski” və ya “Opasnıy Rahim” ləqəbi ilə məşhur olub.

Son dönəmlər “Lotu Quli” ləqəbli Nadir Səlifova qarşı çıxışlar edib. YouTube platformasında yerləşdirdiyi son yazısında Quli və ətrafındakı şəxsləri söyərək təhqir edib.