Biləsuvarda şagird məktəbdə ölüb

Məlumata görə, məktəbli axrıncı dərsdən evə gedərkən, qəfildən məktəbin həyətində dünyasını dəyişib

Bakı, Cavid Babayev, İnteraz - 15 May 2018, 18:00

Biləsuvar rayonunda şagird məktəbdə ölüb.

İnterAz-ın "Report"a istinadla verdiyi məlumata görə, rayonun Amankənd kənd sakini, 6-ci sinif şagirdi, 2006-ci il təvəllüdlü Ürfan Əliyar oğlu Hüseynli təhsil aldığı rayonun Dərvişli kənd tam orta məktəbində vəfat edib.

Məlumata görə, məktəbli axrıncı dərsdən evə gedərkən, qəfildən məktəbin həyətində dünyasını dəyişib. Onun nədən vəfat etdiyi hələlik məlum deyil. Lakin sudurğa xəstəliyinin olduğu bildirilir.

Meyit hazırda Məhkəmə Tibbi Ekspertiza və Patoloji Anatomiya Birliyinin Biləsuvar Rayon şöbəsində müayinə edilir.

Faktla bağlı Biləsuvar Rayon Prokurorluğunda araşdırma aparılır.