İlyas İsmayılov oğlunun nə üstündə öldürüldüyünü açıqlayıb

Bir ata kimi mənə böyük zərbə oldu

Bakı, Gülnarә Quliyeva, İnteraz - 20 Sentyabr 2018, 11:46

Bu barədə danışmaq mənim üçün çox ağırdır... Bir ata kimi mənə böyük zərbə oldu. Şok vəziyyətindəyəm. Mənə başsağlığı verən hər kəsə, dərdimə, kədərimə şərik olan hər bir insana təşəkkürümü bildirirəm.

 

İnterAz xəbər verir ki, bunu Oxu.Az-a açıqlamasında ötən gecə Türkiyədə qətlə yetirilən iş adamı Etimad İsmayılovun atası, Ədalət Partiyasının sədri İlyas İsmayılov deyib.

 

“Cənazəsi hələlik gətirilməyib, bu baxımdan, dəfn mərasiminin nə vaxt olacağını tam dəqiq deyə bilmirik”, - deyə o bildirib.

 

Oğlunun qətlinin səbəblərindən danışan İ.İsmayılov qeyd edib ki, mübahisə borc pul üstündə baş verib.

 

“Oğlum iş adamı idi. Qatilin ona borcu olub, hər şey buna görə baş verib”.