Ölkə ərazisində qeyri-sabit hava şəraiti sentyabrın 24-dək davam edəcək

Havanın temperaturu 3-5° aşağı enəcək

Bakı, Gülnarә Quliyeva, İnteraz - 23 Sentyabr 2018, 12:58

Sentyabrın 22-si gündüzdən 24-ü gündüzədək ölkə ərazisində qeyri-sabit hava şəraitinin davam edəcəyi, bəzi yerlərdə şimşək çaxacağı, arabir yağış yağacağı gözlənilir.

 

Bu barədə Ekologiya və Təbii Sərvətlər Nazirliyinin (ETSN) Milli Hidrometeorologiya Departamentindən İnterAz-a verilən məlumatda deyilir.

 

Sabah Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir. Gecə və səhər bəzi yerlərdə yağış yağacağı, şimşək çaxacağı ehtimalı var. Gündüz əsasən hava yağmursuz keçəcək, şimal-şərq küləyi 3-8 m/s təşkil edəcək. Havanın temperaturu gecə 16-19°, gündüz 23-26° isti olacaq.

 

Bölgələrdə ayrı-ayrı yerlərdə yağışın leysan xarakterli intensiv olacağı, dolu düşəcəyi ehtimalı var. Qərb küləyi arabir 15-20 m/s, ayrı-ayrı yerlərdə arabir 23-25 m/s-dək güclənəcək. Çaylarda sululuğun artacağı, bəzi dağ çaylarından qısamüddətli daşqın və sel keçəcəyi ehtimal olunur. Havanın temperaturu 3-5° aşağı enəcək.