Xalq artistinin oğlu həbs edilib

O, artıq Bakı İstintaq Təcridxanasına köçürülüb

Bakı, Gülnarә Quliyeva, İnteraz - 06 Oktyabr 2018, 14:18

Mərhum xalq artisti İlhamə Quliyevanın oğlu Orxan Nadirov həbs edilib. 

 

İnterAz Oxu.Az-a istinadən xəbər verir ki, O.Nadirov dünən Binəqədi rayon Polis İdarəsinin əməkdaşları tərəfindən tutulub.

 

O, artıq Bakı İstintaq Təcridxanasına köçürülüb. 

 

İttihama görə, Orxan Nadirov işə düzəltmə adı ilə zərərçəkmiş şəxsin 69 min manat məbləğində pulunu dələduzluq yolu ilə ələ keçirib. 

 

Xatırladaq ki, İ.Quliyeva 2016-cı il fevralın 25-də səhər saatlarında 73 yaşında dünyasını dəyişib.

 

Qeyd edək ki, Orxan Nadirovun adı daha əvvəl də dələduzluq əməlində hallanıb.

 

O.Nadirov ötən il də dələduzluq faktına görə həbs edilib, lakin sonradan azadlığa buraxılıb.