Türkiyə superliqası: "Qalatasaray"dan möhtəşəm geridönüş

“Qalatasaray” çətin qələbə qazanıb

Bakı, Səbuhi Vaqifoğlu, İnteraz - 12 Mart 2018, 10:10

Türkiyə superliqasının bu gün davam edən 25-ci turunda lider “Qalatasaray” autsayderlərdən olan “Konyaspor”u qəbul edib.

 

İnterAz xəbər verir ki, Fatih Terimin komandası çətin qələbə qazanıb. İlk hissədə 0:1 hesabı ilə uduzan “sarı-qırmızılılar” ikinci hissədə vurduğu 2 qol sayəsində qalib gəlməyi bacarıb. 2:1 hesabı ilə yekunlaşan görüşdə qolları “Konyaspor”dan Vilfred Moke (2-ci dəq.), “Qalatasaray”dan Bafetimbi Qomis (69) və Sinan Gümüş (86) vurub. Qomis 21-ci dəqiqədə penaltidən yararlana bilməyib.

 

25 turdan sonra “Qalatasaray” 53 xalla liderliyi davam etdirir. “Beşiktaş” və “İstanbul Başakşehir” isə 25 matçdan hərəyə 50 xalla ikinci-üçüncü yerləri bölüşdürür.