FIFA icarəyə verilən futbolçuların sayına məhdudiyyət tətbiq edə bilər

Bu klublar yay fasiləsində müvafiq olaraq, 40 və 26 oyunçusunu icarəyə verib

Bakı, Gülnarә Quliyeva, İnteraz - 13 Sentyabr 2018, 11:19

FIFA icarəyə verilən futbolçuların sayına məhdudiyyət tətbiq edə bilər.

 

İnterAz “Report”a istinadən xəbər verir ki, ali futbol qurumu maksimum 8 oyunçunun icarəsinə icazə verməyi planlaşdırır. Üstəlik, bir klubun digərinə ən çox 4 futbolçu göndərməsi nəzərə tutulub. Bununla belə, klubların 21 yaşadək yetirmələri istisna təşkil edəcək.

 

Qərar qüvvəyə minərsə, bu, ən çox İngiltərənin “Çelsi” və İtaliyanın “Yuventus” klublarına təsir edəcək. Bu klublar yay fasiləsində müvafiq olaraq, 40 və 26 oyunçusunu icarəyə verib.