ABŞ-ın dövlət katibi: “Türkiyənin təhlükəsizliyi ilə bağlı narahatlığını anlayırıq”

“Suriyanın şimal-qərbindəki son hadisələr bizi də qayğılandırıb"

Bakı, Nərgiz Yəhyayeva, , İnteraz - 13 Fevral 2018, 12:39

“Suriyanın şimal-qərbində baş verən son hadisələrə görə Türkiyənin təhlükəsizliyi ilə bağlı narahatlığını anlayırıq”.

 

İnterAz NTV-yə istinadən xəbər verir ki, bunu ABŞ-ın dövlət katibi Reks Tillerson Türkiyə ordusunun Suriyada keçirdiyi aniterror əməliyyatını dəyərləndirərkən deyib.

 

“Suriyanın şimal-qərbindəki son hadisələr bizi də qayğılandırıb. Türkiyənin təhlükəsizliyi ilə bağlı narahatlığının da fərqindəyik”, -deyə ABŞ-ın xarici siyasət idarəsinin rəhbəri bildirib.

 

Qeyd edək ki, R.Tillerson hazırda Misirdə səfərdədir. O, Qahirədən İordaniyaya gedəcək. Daha sonra isə Türkiyəyə səfər edəcək.