Amsterdam aeroportu müvəqqəti olaraq fəaliyyətini dayandırıb

Sərnişinlərə reyslər haqqında saytdan, mobil tətbiqlər vasitəsilə və ya aviaşirkətlərə zəng etməklə məlumat almaları tövsiyə olunur

Bakı,, Gülnarә Quliyeva, İnteraz - 15 Avqust 2018, 17:51

Hollandiyanın Amsterdam şəhərinin Sxiphol aeroportu fəaliyyətini müvəqqəti dayandırıb.

 

İnterAz "Report"a istinadən xəbər verir ki, bu barədə hava limanının nümayəndələri "Twitter"də məlumat veriblər.

 

"Uçuşlar və enişlər müvəqqəti olaraq həyata keçirilmir. Dispetçer xidməti problemin nədə olduğunu aydınlaşdırır. Vəziyyət haqqında məlumat verməyə davam edəcəyik", - məlumatda deyilir.

 

Sərnişinlərə reyslər haqqında saytdan, mobil tətbiqlər vasitəsilə və ya aviaşirkətlərə zəng etməklə məlumat almaları tövsiyə olunur.

 

Öz növbəsində, Hollandiyanın Teleradio Yayım Korporasiyası problemin yerli vaxtla saat 13:15-də başladığını bildirib. Teleşirkətin məlumatına görə, söhbət, güman ki, texniki nasazlıqdan gedir.