Rusiyada azərbaycanlı uşaqlar evdə yanıblar

İlkin ehtimala görə, yanğına səbəb uşaqların kibritlə oynamaları, yaxud közərən siqaret ola bilər

Bakı, Gülnarә Quliyeva, İnteraz - 30 Noyabr 2018, 14:53

Rusiyanın İrkutsk vilayətində yaşayış evindəki yanğın zamanı 3 azərbaycanlı uşaq ölüb.

 

İnterAz “Report”a istinadən xəbər verir ki, ötən gün Xudoyelanskoye qəsəbəsindəki taxta evdə gecə tək qalan 1, 2, 3 yaşlı uşaqlar səhər baş verən yanğn nəticəsində faciəvi şəkildə yanıblar.

 

Onların Azərbaycan vətəndaşı olan ataları iki il əvvəl vətənə deportasiya olunub. Onların 24 yaşlı yerli sakin olan anaları isə həmin gecə barda işdə olub. Uşaqları 55 yaşlı nənələri yatızdırdıqdan sonra qonşuya gedib.

 

İlkin ehtimala görə, yanğına səbəb uşaqların kibritlə oynamaları, yaxud közərən siqaret ola bilər. 

 

Hadisə ilə bağlı cinayət işi açılıb, tədqiqat aparılır.