"WhatsApp" bu aydan bəzi smartfonlarda fəaliyyətini dayandıracaq

Bu barədə şirkətin saytında messencerin komandası bildirib

Bakı, Gülnarә Quliyeva, İnteraz - 02 Yanvar 2019, 09:45

"WhatsApp" bu ilin əvvəlindən bəzi məşhur əməliyyat şəbəkələrinin dəstəyindən imtina edəcək.

 

İnterAz "İzvestiya.ru"ya istinadən xəbər verir ki, bu barədə şirkətin saytında messencerin komandası bildirib.

 

Qeyd olunur ki, dəyişikliklər 1999-cu ildə yaradılmış "Nokia Series 40" əməliyyat sistemli telefonlara aid olacaq. 2012-ci ildə "Nokia S40"ın müxtəlif seriyaları ilə dünyada bu mobil qurğuların miqdarı 1,5 milyarddan çox olub.

 

Bundan başqa, 2020-ci ilin 1 fevralından bu dəyişiklik "Android 2.3.7" versiyalı smartfonlara da aid olacaq. "WhatsApp" həmin versiyalı telefonlarda da fəaliyyət göstərməyəcək.

 

Məlumata görə, "WhatsApp" daha köhnə, həmçinin "iOS 7" versiyalarının da dəstəyindən imtina edəcək. 

 

Qeyd edək ki, bu ildən "WhatsApp" mesajlaşma sistemində reklamların nümayişinə də başlanılacaq.