DGK yeni yoxlama aparatları quraşdıracaq

Yaxın zamanda DGK ölkənin bütün beynəlxalq hava limanlarında yeni yoxlama aparatları quraşdıracaq

Bakı, Gülnarә Quliyeva, İnteraz - 22 Fevral 2019, 17:20

"Hazırda Azərbaycana 9 ədəd "Body Scan" (B-Scan, texniki nəzarət vasitəsi) gətirilib”.

 

İnterAz xəbər verir ki, bunu Dövlət Gömrük Komitəsinin (DGK) Gömrük Nəzarətinin təşkili və ticarətin asanlaşdırılmasının baş idarəsinin əməkdaşı Böyükağa Şəfiyev bildirib.

 

Onun sözlərinə görə, yaxın vaxtlarda ölkənin bütün beynəlxalq hava limanlarında yeni yoxlama aparatları quraşdırılacaq.

 

Komitə rəsmisi əlavə edib ki, sözügedən cihazın cənub sərhəd-keçid məntəqələrində də quraşdırılması gözlənilir.