Rusiyanın iki aviaşirkəti Krasnodardan Bakıya uçacaq

Rusiyanın iki aviaşirkəti Krasnodar-Bakı aviareysi üzrə birbaşa uçuşlar yerinə yetirəcək...

Bakı , Gülnarә Quliyeva, İnteraz - 09 Iyun 2021, 15:13

Rusiyanın iki aviaşirkəti Krasnodar-Bakı aviareysi üzrə birbaşa uçuşlar yerinə yetirəcək.

 

Heydər Əliyev Beynəlxalq Aeroportundan İnterAz-a verilən məlumata görə, iyunun 11-dən etibarən "Nordwind Airlines" şirkəti, iyunun 16-dan etibarən isə "Ikar Airlines" şirkəti ("Pegas Fly" ticarət nişanı) Krasnodar-Bakı-Krasnodar marşrutu üzrə uçuşlara başlayacaq. Hər iki şirkət sözügedən aviareys üzrə həftədə bir uçuş yerinə yetirəcək. "Nordwind" həftənin cümə günləri, "Ikar" isə çərşənbə günləri uçacaq.

 

Qeyd edək ki, hazırda Rusiyanın Moskva, Sankt-Peterburq, Yekaterinburq, Samara, Novosibirsk, Nijni Novqorod, Omsk, Norilsk, Ufa , Mineralnıye Vodı, Perm, Orenburq, Krasnoyarsk və Həştərxan şəhərlərindən Bakıya uçuşlar yerinə yetirilir.

sss