“Xəzəryanı ölkələr ABŞ və NATO-nun buraya döğru hərəkət və meyl etməsinin qarşısını almalıdırlar”.

İnterAz–ın İrna agentliyinə istinadla verdiyi xəbərə görə, bunu İran İnqilabı Ali Liderinin beynəlxalq məsələlər üzrə müşaviri Əli-Əkbər Vilayəti deyib.

O, Tehranda Xəzər dənizinin strateji vəziyyəti ilə bağlı keçirilən toplantıda, Xəzər dənizi və hövzəsi təhlükəsizliyinin yalnız yerli dövlətlər tərəfindən təmin edilməsini zəruri hesab edib.

“ABŞ və NATO-nun meyli Xəzər və xəzəryani hövzə ərazilərinə daha çoxdur. Onların Əfqanıstandakı mövcudluğu da buna sübutdur. İran, Rusiya və digər Xəzəryanı ölkələrin mənafeyi bunu tələb edir ki, NATO və ABŞ-ın bu bölgələrə meylinin qarşısı alınsın.”