İran cəbhədəki vəziyyətə münasibət bildirib

...Tehran Ermənistanı və Azərbaycanı dərhal hərbi əməliyyatları dayandırmağa və danışıqlar prosesinə başlamağa çağırıb

Bakı, Gülnarә Quliyeva, İnteraz - 27 Sentyabr 2020, 17:10

Tehran Ermənistanı və Azərbaycanı dərhal hərbi əməliyyatları dayandırmağa və danışıqlar prosesinə başlamağa çağırıb.

 

İnterAz-IN "TASS"a istinadən verdiyi məlumata görə, bunu İran Xarici İşlər Nazirliyinin rəsmi nümayəndəsi Səid Xətibzadə deyib.

 

S.Xətibzadə bildirib: "Tehran tərəfləri təmkinli olmağa, həmçinin dərhal atəşkəsə və iki ölkə arasında danışıqlara başlamağa çağırır. İran Azərbaycan və Ermənistan arasındakı silahlı toqquşmalardan narahatdır və onları yaxından izləyir".

 

Onun sözlərinə görə, İran XİN tərəflər arasında sülhün təyin edilməsi və dialoqun başlaması üçün Tehranın bütün imkanlardan istifadə etməyə hazır olduğunu bəyan edib.