Azərbaycanlı mühəndislər pilotsuz mini təyyarə hazırlayıb

"Bayquş" adlanan təyyarə 80 dəqiqə havada qala bilir

Bakı, Ramik Cəfərzadə, , İnteraz - 23 Avqust 2014, 10:32

Azərbaycanlı mühəndislər tərəfindən 80 dəqiqə havada qala bilən pilotsuz mini təyyarə hazırlanıb. "Bayquş" adı verilən bu hazırlanma rekorda da imza atıb. Belə ki, indiyədək praktiki olaraq mini həcmli təyyarələrdə ən çox havada qalma müddəti 60 dəqiqə təşkil edib. 



İnterAz - ın "ICTnews" portalına istinadən məlumatına görə, xüsusi optimizasiyalar ilə 80 dəqiqə havada qala bilən bu mini təyyarə, eyni zamanda canlı görüntü və "3D" xəritə çəkmə funksiyaları ilə də təchiz edilib.


 
İndiyə qədər bir çox xarici investorlar layihəyə böyük maraq göstərib.  Buna baxmayaraq, yaradıcılar yerli investorların diqqətini cəlb edərək  mini təyyarənin istehsalını təşkil etmək və qlobal  bazara çıxartmaq niyyətindədirlər.