Bu il Azərbaycandan Həcc ziyarətinə səfərin qiyməti açıqlanıb

Bu il Həcc ziyarətinə getmək istəyənlər 4285 dollar ödəməli olacaqlar

Bakı, Gülnarә Quliyeva, İnteraz - 22 Fevral 2019, 16:03

Bu il Azərbaycandan Həcc ziyarətinə getməyin qiyməti açıqlanıb.

 

Qafqaz Müsəlmanları İdarəsinin Mətbuat xidmətindən İnterAz-a verilən məlumata görə, bu il Həcc ziyarətinə getmək istəyənlər 4285 dollar ödəməli olacaqlar.

 

İdarədən bildirilib ki, Həcc ziyarətinə sənəd qəbulu gələn həftə elan olunacaq.

 

Qeyd edək ki, ötən il Həcc ziyarəti üçün Azərbaycana 1440 kvota ayrılmışdı və bir nəfərin ziyarəti üçün qiymət 4150 dollar müəyyən edilmişdi.