Gəncədə evdən oğurluq edən şəxs saxlanılıb

V.İsmixanov saxlanılaraq istintaqa təhvil verilib

Bakı, Gülnarә Quliyeva, İnteraz - 19 Mart 2019, 10:23

Gəncədə evdən oğurluq edən şəxs saxlanılıb.

 

Bu barədə İnterAz-a DİN-nin mətbuat xidmətinin Gəncə regional qrupundan məlumat verilib.

 

Gəncə şəhər Baş Polis İdarəsinin Kəpəz rayon Polis İdarəsinin əməkdaşlarının keçirdikləri əməliyyat-axtarış tədbirləri nəticəsində ötən ilin oktyabr ayında şəhər ərazisindəki evdən oğurluq edən şəxs saxlanılıb.

 

Aparılan araşdırmalarla müəyyən edilib ki, Gəncə şəhər sakini, əvvəllər məhkum olunmuş 29 yaşlı Vidadi İsmixanov oktyabr ayının 3-də şəhər ərazisindəki evlərdən birinə gizli yolla daxil olaraq oradan 1000 ABŞ dolları nağd pulu və 350 manat dəyərində 1 ədəd kompüteri oğurlayıb. V.İsmixanov saxlanılaraq istintaqa təhvil verilib.

 

Faktla bağlı araşdırma aparılır.