DYP sürücülərə dumanla bağlı xəbərdarlıq edib

Bölmə rəisi deyib ki, hazırda Bakı şəhər üzrə duman səbəbindən maddi zərərlə nəticələn iki yol qəzası baş verib, xəsarət alan yoxdur...

Bakı, Aytən Əliyeva, İnteraz - 15 Aprel 2019, 10:37

"Hansı ərazidə duman varsa, sürücülər duman işıqlarını yandırıb hərəkət etməlidirlər".

 

İnterAz xəbər verir ki, bu barədə ONA-ya Bakı şəhər Dövlət Yol Polisi İdarəsinin İctimai qurumlarla əlaqə bölməsinin rəisi, polkovnik Vaqif Əsədov deyib.

 

O bildirib ki, sürücülərə yaxın işıqlarını yandırıb hərəkət etmək, sürəti minumuma endirmək, ara məsafə normadan artıq saxlamaq tövsiyə olunur: “Hər bir sürücü çalışmalıdır ki, yol-nəqliyyat hadisəsi baş verməsin. Bunun üçün də diqqətli olmalıdırlar”.

 

Bölmə rəisi deyib ki, hazırda Bakı şəhər üzrə duman səbəbindən maddi zərərlə nəticələn iki yol qəzası baş verib, xəsarət alan yoxdur.