Şənbə günü Qız qalasına giriş pulsuz olacaq

Muzeylər saat 10:00-dan 19:00-dək fəaliyyət göstərəcək...

Bakı, Aytən Əliyeva, İnteraz - 14 May 2019, 16:52

“İçərişəhər” Dövlət Tarix-Memarlıq Qoruğu İdarəsi Beynəlxalq Muzeylər Günü münasibətilə mayın 18-də qurumun tabeliyində fəaliyyət göstərən bütün muzeylərdə “açıq qapı” günü elan edib.

 

Qoruq İdarəsindən İnterAz-a verilən məlumata görə, “Açıq qapı” günü paytaxt sakinləri və şəhərin qonaqları İçərişəhərdə yerləşən Qız qalası, Şirvanşahlar Sarayı Kompleksi, Sıratağlı Dini-Memarlıq Kompleksi, Tahir Salahovun ev-muzeyi, Bəylər məscidi, həmçinin “Qala” DTEQ ərazisində fəaliyyət göstərən Qala Arxeoloji-Etnoqrafik muzey kompleksi, Əntiq Əşyalar muzeyi ekspozisiyaları ilə ödənişsiz tanış olmaq imkanını əldə edəcəklər.

 

Muzeylər saat 10:00-dan 19:00-dək fəaliyyət göstərəcək.