“WhatsApp”dan yeni funksiya

İstifadəçinin seçdiyi müddətdən sonra mesajlar avtomatik silinəcək...

Bakı, Gülnarə Quliyeva, , İnteraz - 26 Noyabr 2019, 08:42

"WhatsApp" istehsalçıları müəyyən vaxt sonra istifadəçinin mesajlarını avtomatik silməyə imkan yaradan yeni funksiyanı yoxlayırlar.

 

İnterAz bu barədə "WABetaInfo" portalına istinadən xəbər verir.

 

Bildirilir ki, mesajların silinməsi seçimi "Android" əməliyyat sistemi üçün "Beta messencer 2.19.348" versiyasında çıxıb. Bu funksiya qismən əvvəlki proqramın beta versiyası üzərində reallaşdırılıb.

 

"Messencer"in test versiyasında funksiyanı "Əlaqələr haqqında informasiya" proqramına və ya "Çatın qrup kökləmələri"nə daxil etmək olar.

 

Bu halda istifadəçi mesajın qalma müddətini müxtəlif - saat, gün, həftə, ay və il vaxtına əsasən seçə biləcək. İstifadəçinin seçdiyi müddətdən sonra mesajlar avtomatik silinəcək.