Şəhid hərbi qulluqçu Elşad Məmmədov Tovuzda dəfn olunub

...Baş əsgər Elşad Məmmədov 1996-cı ildə anadan olmuşdu, 7 aylıq övladı var

Bakı, Gülnarә Quliyeva, İnteraz - 13 Iyul 2020, 11:38

Ötən gün Azərbaycan-Ermənistan dövlət sərhədinin Tovuz istiqamətində gedən döyüşlərdə şəhid olan hərbi qulluqçu Məmmədov Elşad Dönməz oğlu dəfn olunub.

 

İnterAz xəbər verir ki, şəhid doğulduğu Tovuzun Ağdam kəndində son mənzilə yola salınıb.

 

Baş əsgər Elşad Məmmədov 1996-cı ildə anadan olmuşdu, 7 aylıq övladı var.

 

Xatırladaq ki, Ermənistan tərəfinin ötən gündən başlayan təxribatı nəticəsində 4 nəfər - çavuş Sadıqov Vüqar Lətif oğlu, baş əsgər Məmmədov Elşad Dönməz oğlu, əsgər Daşdəmirov Xəyyam Məhəmməd oğlu və baş leytenant Mahmudov Rəşad Rəşid oğlu şəhid olub.