“Tottenhem” son dəqiqələrdə qələbə qazanıb

Qonaqlar qələbə qolunu oyuna əlavə olunmuş dəqiqələrdə vurublar

Bakı, Gülnarә Quliyeva, İnteraz - 21 Yanvar 2019, 08:39

İngiltərə Premyer Liqasında 23-cü turun “Fulhem” – “Tottenhem” oyunu keçirilib.

 

İnterAz xəbər verir ki, liqada qalmaq uğrunda mübarizə aparan meydan sahibləri 17-ci dəqiqədə Lyorentenin öz qapısına vurduğu qolla fasiləyə minimal üstünlüklə yollanıblar.

 

Dele Allinin 51-ci dəqiqədə vurduğu qolla londonlular hesabı bərabərləşdirə biliblər. Qonaqlar qələbə qolunu oyuna əlavə olunmuş dəqiqələrdə vurublar. Vinksin dəqiq zərbəsi ilə 2:1 hesablı qələbə qazanan “Tottenhem” 51 xalla liqada üçüncü yerdə qərarlaşıb.