Braziliya Amerika kubokuna qələbə ilə başlayıb

"Barselona"nın yarımmüdafiəçisi Filippe Koutinyo dubl edib...

Bakı, Aytən Əliyeva, İnteraz - 15 Iyun 2019, 10:50

Futbol üzrə Amerika Kuboku – 2019 turnirinin San-Paulu şəhərinin "Morumbi" stadionunda keçirilən açılış matçında Braziliya Boliviyanı 3:0 hesabı ilə məğlub edib.

 

İnterAz xəbər verir ki, oyunda bütün qollar ikinci hissədə vurulub.

 

"Barselona"nın yarımmüdafiəçisi Filippe Koutinyo dubl edib. Daha bir qolu isə "Qremio" klubunun forvardı Everton öz adına yazdırıb.

 

Amerika Kuboku

 

Braziliya – Boliviya - 3:0

 

Qollar: 1:0 – Koutinyo – 50 (pen), 2:0 – Koutinyo – 53, 3:0 – Everton – 85