ABŞ-da qasırğa nəticəsində 8 nəfər ölüb

Təqribən 100 ev və kommersiya binası elektrik enerjisiz qalıb, bir neçə nəfər itkin düşmüş hesab olunur...

Bakı, Aytən Əliyeva, İnteraz - 15 Aprel 2019, 08:53

ABŞ-ın cənub ştatlarında qasırğa və güclü fırtına nəticəsində ölənlərin sayı 8 nəfərə çatıb.

 

İnterAz RİA "Novosti"yə istinadən xəbər verir ki, bu barədə "USA Today" nəşri məlumat yayıb.

 

Daha əvvəl Texas ştatında təbii fəlakət nəticəsində iki uşağın öldüyü xəbər verilmişdi.

 

Qəzetin yazdığına görə, qasırğanın əsas hissəsi Texas, Luiziana, Missisipi və Alabama ştatları ərazisindən keçib. Onlarla şəxsin zərər çəkdiyi bildirilir.

 

Texasın şəhərlərindən birində azı 25 nəfər xəsarət alıb ki, onlardan da, 8 nəfəri kritik vəziyyətdədir. Daha 19 nəfər Missisipidə xəsarət alıb.

 

Təqribən 100 ev və kommersiya binası elektrik enerjisiz qalıb, bir neçə nəfər itkin düşmüş hesab olunur.