Nazarbayev “Nur Otan” Partiyasının qurultayında göz yaşlarını saxlaya bilməyib

Sabiq prezidentin kövrək anlarının lentə alındığı görüntü sürətlə sosial şəbəkələrdə yayılaraq müzakirə olunub...

Bakı, Aytən Əliyeva, İnteraz - 23 Aprel 2019, 15:07

Bu gün Qazaxıstanın hakim partiyası “Nur Otan”ın XIX növbədənkənar qurultayında maraqlı an yaşanıb.

 

İnterAz-ın “nur.kz” portalına istinadən verdiyi xəbərə görə, partiyanın sədri, ölkənin birinci dövlət başçısı Nursultan Nazarbayev Kasım-Jomart Tokayevin 9 iyun prezident seçkilərində namizədliyi səsvermə nəticəsində təsdiqlənəndən sonra o, göz yaşlarını saxlaya bilməyib. 

 

Sabiq prezidentin kövrək anlarının lentə alındığı görüntü sürətlə sosial şəbəkələrdə yayılaraq müzakirə olunub. 

 

Qurultay iştirakçıları tədbirin sonunda Nazarbayevə yaxınlaşaraq onunla əl-ələ görüşüb və qucaqlaşıblar.