Husilər vurduqları ABŞ istehsallı hərbi pilotsuz təyyarənin görüntülərini yayımlayıblar

Yəmənlilər həmin görüntüləri yayımlayıblar...

Bakı, Aytən Əliyeva, İnteraz - 16 May 2019, 13:50

 Yəmənin paytaxtında Səudiyyə Ərəbistanı koalisiyasına məxsus bir ədəd ABŞ istehsallı “MQ-1” tipli hərbi pilotsuz təyyarə vurulub. Yəmənlilər həmin görüntüləri yayımlayıblar.

 

İnterAz bu barədə SalamNews-a istinadla məlumat verir.

 

Bildirilib ki, qərargahları paytaxt Sənada yerləşən Yəmən Ordusu və “Xalq Komitələri” (husilər) vurulan ABŞ istehsallı hərbi pilotsuz təyyarəsinin görüntülərini yayımlayıblar.

 

Qeyd edək ki, Səudiyyə koalisiyasının ABŞ istehsallı MQ-1 hərbi pilotsuz təyyarəsi Səna səmasında vurulub.

 

Pilotsuz təyyarə Sənanın Bəni-Mətər rayonunun Dayan adlı məntəqəsində yerə düşəndən sonra Səudiyyə koalisiyası dərhal ona hava zərbələri endirərək, PUA-nı sıradan çıxarıblar.