Cavad Zərif İran sahilləri yaxınlığında 2 neft gəmisinə edilən hücuma münasibət bildirib

İranın regionda dialoq üçün toplantının yaradılması təklifi zəruridir və həyata keçirilməlidir...

Bakı, Aytən Əliyeva, İnteraz - 13 Iyun 2019, 16:14

 "Hadiə şübhəlidir, bunu şübhəli bilmək kifayət etmir.  İranın regionda dialoq üçün toplantının yaradılması təklifi zəruridir və həyata keçirilməlidir."

 

İnterAz SalamNews-a istinadla xəbər verir ki, bunu İranın xarici işlər naziri Məhəmməd Cavad Zərif deyib.

 

Bu gün rəsmi twitter səhifəsində Oman dənizində iki neft gəmisinin partlayışa məruz qalmasına münasibət bildirən M.C.Zərif, hadisənin şübhəli olduğunu deyib və regional səviyyədə ölkələrin bira araya gələrək dialoq aparmasının vacib olduğunu vurğulayıb.

 

"Yaponiya ilə əlaqəli olan neft gəmilərinə hücum elə bir halda bildirildi ki, baş nazir Şinzo Abe Ayətullah Xamenei ilə görüşdə idi  və danışıqlar aparırdı." deyə Cavad Zərif bildirib ki, bu hadisəni sıradan şübhəli bir hadisə bilmək kifayət etmir və region ölkələri bir araya gəlməlidir.

 

Xatırladaq ki, Panama bayrağı ilə üzən “Kokuka Courageous” və Marşal Adaları bayrağı ilə üzən “FRONT ALTAİR” neft tankeri bu gün səhər Oman dənizində partlayışa məruz qalıblar.

 

Bu, son ayda gərginliyin hökm sürüdüyü Oman dənizi və Fars Körfəzi yaxınlığında neft tankerlərinə edilən ikinci hücumdur.