Almaniya İranın Hörmüz boğazından keçən xarici gəmiləri saxlamasını pisləyib. 

İnterAz RT-yə istinadən xəbər verir ki, müvafiq bəyanat Almaniya Xarici İşlər Nazirliyinin Twitter-dəki səhifəsində yerləşdirilib.

"Almaniya, Fars körfəzindən keçən ticarət gəmilərinin saxlanılmasını pisləyir. Bu, onsuz da gərgin olan vəziyyəti daha da alovandırır", deyə XİN-in bəyanatında deyilir.

Almaniya, İranı "ikinci gəmi və ekipajını dərhal azad etməyə" çağırır.

Qeyd edək ki, İran ötən gün Hörmüzdə Britaniyanın neft gəmisini saxlayaraq Bəndər-Abbas sahilinə aparıb.