Suriya Ordusu strateji Xan-Şeyxun şəhərinin 3 km-ə çatıb

Bölgədə şiddətli döyüşlər davam edir...

Bakı, Aytən Əliyeva, İnteraz - 17 Avqust 2019, 12:08

Suriya ordusu Həma əyalətinin şimalında və İdlib əyalətinin cənubunda yerləşən Abdin, Harş-Ravila, Mağr əl-Hinta kəndlərini azad etməklə strateji Xan-Şeyxun şəhərinin 3 km-ə çatıb.

 

İnterAz bu barədə SalamNews-a istinadla xəbər verir.

 

Suriyada döyüşləri yaxından izləyən "moraselon.com" xəbər portalının məlumatına görə Suriya Ordusu İdlibin cənubundakı 3 kəndi almaqla Xan Şeyxun şəhərinin 3 km-ə çatıb.

 

Şəhərin şərq tərəfində olan Skik kəndinin azad edilməsi ilə qurplaşmaların nəzarətindəki Xan-Şeyxun Suriya Ordusunun mühasirəsinə düşmək və bununla yanaşı Taminə və Murik qəsəbələri də mühasirəyə düşmək təhlükəsilə üzləşiblər.

 

Məlumata görə adıçəkilən bu bölgələrdə olan bəzi qruplaşma üzləri şimala İdlib şəhərinə doğru qaçıblar.

 

Bölgədə şiddətli döyüşlər davam edir. Rusiya Hərbi Hava Qüvvələrinin "Ən-Nusra Cəbhəsi"nə və onunla müttəfiq olan qruplaşmalara hava zərbələri davam edir.