Hulusi Akar: Türkiyə Silahlı Qüvvələri Suriyanın şimal-şərqində əməliyyata hazırlaşır

Suriyanın şimal-şərqində əməliyyat keçirilməsi üçün hazırlıqlar davam edir...

Bakı, Aytən Əliyeva, İnteraz - 09 Oktyabr 2019, 14:22

Suriyanın şimal-şərqində əməliyyat keçirilməsi üçün hazırlıqlar davam edir. Bu sözləri Türkiyənin milli müdafiə naziri Hulusi Akar deyib.

 

İnterAz "Anadolu"ya istinadən xəbər verir ki, baş qərargah rəisi Hulusi Akar, ordu komandiri Umit Dündar, Hərbi Dəniz Qüvvələrinin komandiri Adnan Özbal və Hərbi Hava Qüvvələrinin komandiri Hassan Kücükaküz, Türkiyə Milli Müdafiə Universitetinin (MSÜ) hərbi məktəbinin 2019/2020 tədris ilinin başlaması münasibəti ilə keçirilən mərasimdə iştirak ediblər.

 

Akar, "Anadolu" agentliyinin Suriyanın şimal-şərqində keçiriləcək əməliyyata hazırlıqlar ilə bağlı suallarını cavablandırıb.

 

"Əməliyyata hazırlıqlar davam edir. Hərbi komandirlərlə birlikdə bu prosesi yaxından izləyirik", Akar bildirib.