FSB-nin əməliyyatında İŞİD-i maliyyələşdirən şəxslər həbs edilib

Saxlanılanlar müstəntiqlərə İŞİD maliyyələşdirilməsi mexanizmləri barədə məlumat veriblər...

Bakı, Gülnarə Quliyeva, , İnteraz - 08 Noyabr 2019, 13:24

Dağıstanda İŞİD terror təşkilatının iki tərəfdarı xüsusi xidmətlər tərəfindən tutulub.

 

İnterAz xəbər verir ki, bu barədə TASS Rusiyanın Federal Təhlükəsizlik Xidmətinin (FSB) İctimaiyyətlə Əlaqələr Mərkəzinə istinadən xəbər verir.

 

Xüsusi xidmət orqanının məlumatına görə, Dağıstanda terror təşkilatını maliyyələşdirənlər azı 10 milyon rubl toplayaraq yaraqlılara göndərib.

 

Axtarışlar zamanı ödənişlər və çeklər aşkarlanıb. Saxlanılanlar müstəntiqlərə İŞİD maliyyələşdirilməsi mexanizmləri barədə məlumat veriblər.