Zelenski İrandakı təyyarə faciəsindən sonra Ukrayna xalqına müraciət edib

Mən bütün ölənləri yaxınlarına və ailələrinə təhvil verəcəm ki, onlarla insan kimi vidalaşa bilsinlər...

Bakı, Gülnarә Quliyeva, İnteraz - 12 Yanvar 2020, 11:29

Ukrayna Prezidenti Vladimir Zelensk Tehrandan Kiyevə uçan “Boeing” sərnişin təyyarəsinin İranın hava hücumundan müdafiə sistemi tərəfindən vurulması ilə əlaqədar öz xalqına videomüraciət ünvanlayıb.

 

İnterAz xəbər verir ki, öz müraciətində Zelenski günahkarların cəzalandırılacağına söz verib.

 

“Hörmətli ukraynalılar, hamımız üçün çətin olan bu günlərdə mən bunları demək istəyirəm. Mən bütün ölənləri yaxınlarına və ailələrinə təhvil verəcəm ki, onlarla insan kimi vidalaşa bilsinlər. Biz onların xatirəsini layiqincə yad edəcəyik. Biz nəinki təhlükəsizlik və ədalət anlayışını, həm də dünyanın harasında olmağınızdan asılı olmayaraq, Ukraynanın sizi hər zaman qoruyacağına dair əminlik hissinizi geri qaytaracağıq”, - deyə Zelenski bildirib.