2019-cu ilin ən çox ziyarət olunan ölkələri açıqlanıb

...birinci yerdə Fransa qərarlaşıb

Bakı, Gülnarә Quliyeva, İnteraz - 14 Yanvar 2020, 13:24

BMT-nin Ümumdünya Turizm Təşkilatı 2019-cu ilin ən çox ziyarət olunan ölkələrini açıqlayıb.

 

İnterAz-ın məlumatına görə, bu barədə “MİR 24” telekanalı xəbər verib.

 

Birinci yerdə Fransa qərarlaşıb. Ötən il həmin ölkəyə 82,7 milyon turist gedib. Siyahının ikincisi ABŞ olub. Bu ölkəyə səfər edən turistlərin sayı isə 76,4 milyon olub.

 

Üçüncü yerdə İspaniya (75,3 milyon) yer alıb. İlk beşliyə, həmçinin, Çin (59,3 milyon) və İtaliya (52,4 milyon) daxil olublar. İlk onluğu isə Türkiyə tamamlayıb. Orada 30,3 milyon insan istirahət edib.