«Ən-Nusra» Hələbin qərbini minaatanlardan hədəfə alıb, 8 sakin həlak olub

İlkin məlumata görə burada 8 nəfər həyatını itirib və bir neçə nəfər yaralanıb...

Bakı, Gülnarә Quliyeva, İnteraz - 17 Yanvar 2020, 15:36

Əl-Qaidənin Suriyadakı sabiq qanadı "ən-Nusra Cəbhəsi" terror təşkilatı Hələb şəhərinin qərbində yerləşən kvartalları minaatanlardan hədəfə alıb.

 

İnterAz SalamNews-a istinadla xəbər verir ki, bu barədə Hələbin səhiyyə mənbələri məlumat veriblər.

 

Bildirilib ki, "ən-Nusra Cəbhəsi" (digər adı Heyət Təhrir-Şam) Hələbin qərbində yerləşən əs-Sukkəri rayonuna çoxlu sayda mərmi atıb.

 

İlkin məlumata görə burada 8 nəfər həyatını itirib və bir neçə nəfər yaralanıb.

 

Son günlər İdlib əyalətinin şərqi və Hələb əyalətinin qərbindəki cəbhələrdə gərginlik artıb. Suriya Ordusu son 3 gündə bölgədə irəliləyərək, 4 qəsəbə və kəndi azad edə bilib.