İran XİN ingilis dilində ABŞ hökuməti və xalqına müraciət edib

...Bundan öncə Rusiya XİN və Beynəlxalq Əfv Təşkilatı da ABŞ hökumətinin etirazçılara qarşı addımlarını qınayıb

Bakı, Nərgiz Qəhramanova, İnteraz - 01 Iyun 2020, 11:13

"Dünya ABŞ xalqının məzlum qalmasını görür, onların səsini eşidir və onlarla həmrəy olduğunu bildirir."

 

İnterAz SalamNews-a istinadla xəbər verir ki, bunu İranın Xarici İşlər Nazirliyinin sözçüsü Seyid Abbas Musəvi bu gün keçirilən mətbuat konfransında deyib.

 

İngilis dilində ABŞ xalqına və hakimiyyətinə müraciət edən İran rəsmisi bildirib ki, "bütün dünya ABŞ-ın xaricdə olan zorakılığının daxildə də xalqına qarşı həyata keçirməsini görür və bu xalqla həmrəy olduğunu bildirir."

 

S. A. Musəvi ABŞ hökumətinə xitabən deyib:

 

"Öz xalqınıza qarşı zorakılığı dayandırın və qoyun onlar nəfəs ala bilsinlər."

 

Qeyd edək ki, bundan öncə Rusiya XİN və Beynəlxalq Əfv Təşkilatı da ABŞ hökumətinin etirazçılara qarşı addımlarını qınayıb.