Husilər Yəməndə strateji rayonu nəzarətə götürüblər

Mərkəzi qərargahları paytaxt Sənada yerləşən “Yəmən Ordusu və Xalq Komitələri” ölkənin əl-Bəyda əyalətində yerləşən strateji rayonu nəzarətə götürüblər...

Bakı, Gülnarә Quliyeva, İnteraz - 30 Iyun 2020, 10:04

Mərkəzi qərargahları paytaxt Sənada yerləşən “Yəmən Ordusu və Xalq Komitələri” ölkənin əl-Bəyda əyalətində yerləşən strateji rayonu nəzarətə götürüblər.

 

İnterAz SalamNews-a istinadən xəbər verir ki, bu barədə mərkəzi qərargahları paytaxt Sənada yerləşən “Yəmən Silahlı Qüvvələri”nin mətbuat xidməti məlumat yayıb.

 

Bildirilib ki, əl-Bəyda və Mərib əyalətlərinin kəsişməsində yerləşən Radman rayonu üsyançılardan təmizlənib və nəzarətə götürülüb.

 

Qeyd edək ki, bölgədəki silahlı birləşmələr Səudiyyə Ərəbistanı koalisiyasının havadan dəstəyilə üsyana qalxmış və bir rayonu nəzarətə götürmüşdülər.